Komite Olempike yashimiye abahagarariye u Rwanda mu mikino Olempike n’abatwaye imidali kuva mu 2017 (Amafoto)

Yanditswe na Eric Tony Ukurikiyimfura
Kuya 12 Ukwakira 2020 saa 10:59
Yasuwe :
0 0

Ku nshuro ya mbere, Komite Olempike y’u Rwanda yashimiye abahagarariye igihugu mu mikino Olempike n’abegukanye imidali kuva mu 2017 mu rwego rwo guha agaciro ibyo bagezeho.

Uyu muhango wabaye ku Cyumweru mu Nama y’Inteko Rusange yahuje abanyamuryango ba Komite Olempike muri Lemigo Hotel.

Abahawe ibihembo ni abayoboye Komite Olempike bane, 37 bahagarariye u Rwanda mu mikino Olempike, ariko ababashije kugerwaho ni 24 mu gihe kandi hari n’abatwaye imidali mu marushanwa atandukanye bahagarariyemo igihugu kuva mu 2017.

Perezida wa Komite Olempike y’u Rwanda, Amb. Munyabagisha Valens, yavuze ko bateguye iki gikorwa kugira ngo habe agaciro ibyakozwe n’abahawe ibihembo ndetse nabo bibahe imbaraga zo gukomeza gukunda siporo kuko badakwiye kwirengagizwa.

Ati “Twasanze abantu bajya mu buyobozi bwa siporo, bavamo bagahita bagenda, ntibazongere no kugaruka kandi bakabaye batanga inama kuri komite zabasimbuye. Twagize ngo tubashimire ku bikorwa bakoze kandi nabo bakomeze kwiyumva mu bikorwa bya Komite Olempike.”

“Abandi abantu bitabiriye imikino Olempike kuva twatangira kuyitabira, bagira n’ishyirahamwe ribahuza, ni abantu twifuza ko bazajya bahabwa umwanya bakagira inama abakiri bato uko bakwitwara bakaba bakwitabira imikino Olempike.”

Ku bijyanye n’abahawe imidali, Amb. Munyabagisha yavuze ko bashimiye abayitwaye kuva bagiye ku buyobozi mu 2017 mu rwego rwo kugira ngo n’abazajyaho mu yindi myaka, bajye bakora igikorwa nk’iki.

Ati “Twahereye ku bantu babonye imidali kuva tugiye ku buyobozi kuva mu 2017. Twabikoze kugira ngo dukangurire abazadusimbura n’abandi bose ngo bashobore gushyiramo ingufu, bihe imbaraga abakinnyi babe babona imidali myinshi.”

“Twabitekereje kuko bitakorwaga, dusanga ari byiza ngo tubikore kugira ngo bizabe umurage, n’abandi bazajye babikora, bashimire abakoze neza.”

Abahawe ibi bihembo bashimiye Komite Olempike ku buryo babatekerejeho nubwo hari hashize igihe kitari gito.

Urutonde rw’abahawe ibihembo:

Abahagarariye u Rwanda mu mikino Olempike

  1. Rudasingwa Jean Marie Vianney (Athletics: Los Angeles 1984)
  2. Mukamurenzi Marcianne (Athletics: Los Angeles 1984, Seoul 1988, Barcelona 1992)
  3. Ntawulikura Mathias (Athletics: Seoul 1988, Barcelona 1992, Atlanta 1996, Sydney 2000, Athens 2004)
  4. Mugabo Seraphin (Athletics: Barcelona 1992)
  5. Sharangabo Alexis (Athletics: Atlanta 1996, Sydney 2000)
  6. Ishyaka Patrick (Athletics: Atlanta 1996)
  7. Mukamutesi Christine (Athletics: Sydney 2000)
  8. Nyirabarame Epiphanie (Athletics: Athens 2004, Beijing 2008)
  9. Disi Dieudonné (Athletics: Athens 2004, Beijing 2008)
  10. Kajuga Robert (Athletics: London 2012)
  11. Mukasakindi Claudette (Athletics: London 2012, Rio 2016)
  12. Mvuyekure Jean Pierre (Athletics: London 2012)
  13. Nyirarukundo Salome (Athletics: Rio 2016)
  14. Uwiragiye Ambroise (Athletics: Rio 2016)
  15. Girimbabazi Rugabira Pamela (Swimming: Sydney 2000, Athens 2004, Beijing 2008)
  16. Sekamana Léonce (Swimming: Athens 2004)
  17. Niyomugabo Jackson (Swimming: Beijing 2008, London2012)
  18. Agahozo Alphonsine (Swimming: London 2012)
  19. Imaniraguha Eloi (Swimming: Rio 2016)
  20. Umurungi Johanna (Swimming: Rio 2016)
  21. Mparabanyi Faustin (Cycling : Barcelona 1992)
  22. Niyonshuti Adrien (Cycling: London 2012, Rio 2016)
  23. Byukusenge Nathan (Cycling: Rio 2016)
  24. Sekamana Uwase Yannick Fred (Judo: London 2012)

Abatwaye imidali (15)

COMMONWEALTH YOUTH GAMES - BAHAMAS 2017 & JEUX AFRICAINS DE LA JEUNESSE - ALGER 2018 (3)

BEACH VOLLEYBALL

  1. Munezero Valentine
  2. Musabyimana Penelope
  3. Umutoza : Mudahinyuka Christophe

JEUX AFRICAINS DE LA JEUNESSE - ALGER 2018 (3)

KARATE

  1. Umunezero Jovia
  2. Niyitanga Halifa
  3. Umutoza: Nkuranyabahizi Noël

JEUX AFRICAINS - RABAT 2019 (6)

A. AMAGARE (TTT)

  1. Mugisha Moïse
  2. Areruya Joseph
  3. Munyaneza Didier
  4. Nzafashwanayo Jean Claude
  5. Umutoza: Sempoma Félix
  6. Mécanicien: Maniriho Eric

B. BEACH VOLLEYBALL (3)

  1. Ntagengwa Olivier
  2. Akumuntu Kavalo Patrick
  3. Physio (Team Rwanda Ja 2019) : Sibomana Rusika Emmanuel

Umutoza: MUDAHINYUKA CHRISTOPHE

Abayoboye Komite Olempike y’u Rwanda kuva mu 1994 (4)

  1. Rudahunga Gédéon (1995 - 2000)
  2. Beraho Ignace (2001 - 2009)
  3. Gen. Dr Rudakubana Charles (2009 - 2012)
  4. Bayigamba Robert (2013 - 2016)
Perezida wa Komite Olempike y'u Rwanda, Amb. Munyabagisha Valens (iburyo) ni we washyikirije igihembo Rudahunga Gédéon wayiyoboye kugeza mu 2000
Sharangabo Alexis uyobora Ishyirahamwe ry'Abahagarariye u Rwanda mu mikino Olempike, Girimbabazi Pamela na Rudasingwa Jean Marie Vianney bashyikirizwa ibihembo bagenewe
Ntagengwa Olivier na Munezero Valentine ni bamwe mu bagikina begukanye imidali mu marushanwa ya Beach Volleyball
Perezida wa FRVB, Karekezi Léandre, afata ifoto hamwe na Ntagengwa Olivier na Munezero Valentine bahawe ibihembo
Ntagengwa Olivier yatwaye umudali wa Bronze ari kumwe na Akumuntu Kavalo Patrick muri All-African Games zabereye i Rabat muri Maroc mu 2019
Munezero Valentine usanzwe akinira APR WVC, yifotozanya igihembo yahawe
Nkuranyabahizi Noël yatozaga abakinnyi batwaye imidali muri Jeux Africains de la Jeunesse, yabereye i Alger mu 2018
Mudahinyuka Christophe yatoje Ikipe y'Abakobwa ya Beach Volleyball yatwaye imidali mu mikino ya Common Wealth y'Urubyiruko i Bahamas mu 2017 no muri Jeux Africains de la Jeunesse y'i Alger mu 2018
Girimbabazi Rugabira Pamela wahagarariye u Rwanda mu mikino Olempike, kuri ubu ayobora Ishyirahamwe ry'umukino wo Koga

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .