Nsengimana yatsindiye asaga miliyoni 5 Frw mu mikino y’amahirwe ya Gorilla Games

Yanditswe na Eric Tony Ukurikiyimfura
Kuya 5 Ukwakira 2020 saa 04:19
Yasuwe :
0 0

Nsengimana Innocent wo mu Karere ka Kirehe yashimishijwe no gutsindira asaga miliyoni 5 Frw mu mikino ya Casino Jackpot ikinwa muri Gorilla Games.

Ku wa 23 Nzeri 2020 nibwo Nsengimana yatsindiye aya mafaranga nyuma yo kugira amanota menshi mu mikino y’amahirwe ya Jackpot.

Avuga ko yatunguwe no kubona amafaranga ageze kuri konti ye ya Gorilla Games ndetse yahise ayabikuza atangira kuyifashisha mu bikorwa bye.

Ati “Byarantunguye, nari nzi ko bitabaho, birantungura cyane. Nagiye kubona ku mafaranga nari mfite kuri konti yanjye mbona hariho amayero (€), nyuma nongeye kureba nsanga bayavunjishije ntangira kubikuza.”

Yakomeje avuga yakinnye imikino y’amahirwe ya Gorilla Games nyuma yo kuyumva yamamazwa mu itangazamakuru ndetse yemeza ko atagowe no kubona amafaranga yatsindiye.

Ati “Nkunda kumva [iyi mikino] bayamamaza cyane, noneho naravuze ngo reka ngerageze, mbikoze mbona birakunze. Kubikuza ni vuba nta kibazo, baragufasha, byagenze neza.”

Nsengimana yagiriye Abanyarwanda inama yo kwitabira iyi mikino kuko na we atari yiteze ko ashobora gutsindira asaga miliyoni 5 Frw.

Ati “Icyo nababwira ntibacike intege, basure urubuga rwa Gorilla Games bakine, bazarya pe. Nanjye ntabwo nari nabiteguye, ni ibintu bishoboka cyane. Nta birenze bisaba.”

Uburyo irushanwa rya Jackpot rikinwamo ntirigombera kugira amafaranga ushora kuko biterwa n’ayo watsindiye mu nshuro zitandukanye wagiye utega. Umuntu yabigereranya n’uburyo ikipe runaka itsindira amafaranga uko igenda igera kure mu irushanwa runaka, inyuze mu byiciro bitandukanye.

No muri Casino ni uko biba bimeze: Haba hari igihembo nyamukuru n’amafaranga utsindira muri buri cyiciro ukinnye. Nka Nsengimana Innocent hari aho yategaga amafaranga atandukanye ashobora kuba 1000 Frw, 1500 Frw, 200 Frw cyangwa andi yose.

Ibi byose nibyo byamuhesheje gutsindira igihembo cy’asaga miliyoni 5 Frw [muri Jackpot] hirengagijwe andi yose yatsindiye kuko igiteranyo cy’ayo yatsindiye yose agera muri miliyoni 9.59 Frw nk’uko IGIHE yabitangarijwe na Emmanuel Rwozi ushinzwe Serivisi zihabwa abakiliya muri Gorilla Games.

Ati “Ayo uba washoye mbere, uba wabonye inyungu yayo byarangiye, gusa kuko wakinnye wa mukino inshuro nyinshi, uba ufite amahirwe yo kujya mu banyamahirwe batsindira cya gihembo nyamukuru. Nta mafaranga ushora kugira ngo ugitsindire ahubwo icya ngombwa ni ugukina wa mukino.”

Gorilla Games ni cyo kigo rukumbi gifite uburenganzira bwo gukora ibijyanye no gutega ku mukino no gukina urusimbi ‘Casino’ kuri murandasi (Online Sports and Casino Betting) mu Rwanda.

Gorilla Games ifite umwihariko wo kuba ikorera kuri internet, muri telefoni zigezweho n’izisanzwe ku buryo umuntu ageragereza amahirwe ye aho ari hose, igihe icyo ari cyo cyose ndetse hifashishijwe ikoranabuhanga cyane ko rifasha mu gukomeza kwirinda ikwirakwira rya COVID-19.

Playgorillagames.com ni bumwe mu buryo bufasha Abanyarwanda n’abanyamahanga bari mu Rwanda gutega ku mikino batavuye aho bari mu gihe kandi hari abakoresha uburyo bwa USSD code biciye kuri telefoni zisanzwe bakanda *878#, cyangwa se banyura kuri application ku bakoresha smartphones.

Kugira ngo wiyandikishe muri Gorilla Games ugomba kuba uri Umunyarwanda ufite nimero y’indangamuntu yawe mu gihe umunyamahanga asabwa nimero ya pasiporo.

Muri Gorilla Games amafaranga make wabitsa ni 500 Frw mu gihe 200 Frw ariyo make wakoresha ushaka gutega. Amafaranga make ushobora kubikuza ni 1000 Frw mu gihe amenshi watsindira ari miliyoni 50 Frw.

Iki kigo gikorera mu Rwanda kuva muri Kanama 2019, aho gifite icyicaro gikuru mu Nyubako ya Cogebanque iri mu Mujyi rwagati.

Nsengimana Innocent yatsindiye asaga miliyoni 5 Frw mu mikino y’amahirwe ya Gorilla Games
Nsengimana wo mu Karere ka Kirehe, avuga ko yatunguwe no kubona yatsindiye asaga miliyoni 5 Frw

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .