Urukiko rwatesheje agaciro ubujurire bwa Victory Tv, ruyisaba guhagarika kwerekana imikino y’i Burayi

Yanditswe na Nsengiyumva Emmy
Kuya 7 Ukwakira 2020 saa 08:33
Yasuwe :
0 0

Ubujurire bwa Televiziyo ya Victory Tv bwateshejwe agaciro, isabwa guhagarika kwerekana imikino yo ku Mugabane w’u Burayi irimo UEFA Champions League na Shampiyona y’u Bwongereza, English Premier League.

Iki cyemezo cyanashimangiwe n’Urwego Ngenzuramikorere, RURA, cyafashwe nyuma yuko mu 2019 Victory Tv yari yaraciwe miliyoni 10 Frw nk’amande yuko yerekana imikino y’i Burayi itabifitiye uburenganzira.

Mu itangazo ryashyizwe hanze na CANAL+, yagaragaje ko ubuyobozi bwa UEFA na Premier League bwishimiye icyemezo cy’Urukiko Rukuru rw’Ubucuruzi mu Rwanda cyanashimangiwe na RURA nk’Urwego Ngenzuramikorere mu kurwanya ubujura bw’ibihangano (Piratage) mu Rwanda.

Iryo tangazo rigira riti ”Ishyirahamwe ry’Umupira w’Amaguru mu Burayi (UEFA) ritegura, rikanayobora imikino ya UEFA Champions league, UEFA Europa League, hamwe na The Football Association Premier League Limited itegura ikanayobora imikino ya English Premier League, hamwe na Canal + International umufatanyabikorwa wemewe mu gusakaza amashusho y’iyo mikino mu rurimi rw’Igifaransa, bishimiye icyemezo cy’urukiko n ° RCOMA 00877/2019 / HCC rwatangajwe ku italiki ya 9 Nzeri 2020 n’Urukiko Rukuru rw’Ubucuruzi mu Rwanda ku kirego kireba shene ya Televiziyo Victory TV Ltd. “

Urukiko Rukuru rw’Ubucuruzi rwatesheje agaciro ubujurire bwa Victory TV, icyemezo cyafashwe mu rubanza RCOM 00869/2019 / TC, ruhita ruyisaba guhagarika gusakaza amashusho y’imikino ya Premier League yo mu Bwongereza, UEFA Champions League n’iyindi mikino yose ya UEFA Europa League ku butaka bw’u Rwanda.

Nyuma y’ibyavuye mu rubanza, RURA yasabye shene ya Victory TV mu cyemezo cyafashwe ku wa 28 Nzeri 2020, guhagarika gusakaza amashusho y’iyo mikino bitaba ibyo ikazamburwa uburenganzira bwo gukorera mu Rwanda.

UEFA hamwe na Premier League yo mu Bwongereza byatangaje ko gusakaza amashusho y’imikino yabo utabiherewe uburenganzira ari ubujura bw’ibihangano (piratage), ikaba yishimiye ibyemezo byafashwe n’urukiko rwo mu Rwanda rufatanyije n’Urwego Ngenzuramikorere.

Canal + isanzwe yerekana imikino ya Shampiyona yo mu Bubiligi, Turikiya, u Budage, u Bufaransa, uBwongereza, Espagne, u Butaliyani, UEFA Champions League, Europa League, Super Cup,Top 14 (Rugby yo mu Bufaransa), NBA n’iyindi irimo iyo gusiganwa ku maguru, ku magare no kuri moto, imikino y’amaboko, iyo gukirana, filime z’uruhererekane n’ibindi.

Canal+ niyo ifite uburenganzira bwo kwerekana imikino y'i Burayi ku butaka bw'u Rwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .