NBA Finals: LA Lakers yatsinze Miami Heat, itera intambwe igana ku gikombe iheruka mu myaka 10 ishize

Yanditswe na Eric Tony Ukurikiyimfura
Kuya 7 Ukwakira 2020 saa 07:56
Yasuwe :
0 0

Los Angeles Lakers yateye intambwe igana ku gikombe cya Shampiyona ya NBA iheruka mu 2010 nyuma y’uko itsinze Miami Heat amanota 102-96 mu mukino wabaye mu ijoro ryakeye, iyobora n’intsinzi 3-1 mu mikino ya nyuma.

LeBron James yatsinze amanota icyenda mu minota 6:08 ya nyuma y’uyu mukino yinjijemo amanota 28 mu gihe Anthony Davis yatsinzemo 22 naho Kentavious Caldwell-Pope atsinda 15.

Miami Heat n’ubundi ntiyari ifite Goran Dragić wavunikiye mu mukino wa mbere, ariko yari yagaruye Bam Adebayo wari wagize ikibazo cy’ijosi mu mukino wa mbere. Yafashije ikipe gusatira no kugarira, atsinda amanota 15, anasama imipira irindwi iva ku nkangara.

Ni umukino utoroheye Lakers, aho amakipe yombi yanganyije amanota 83 ubwo habura iminota 6:27 mu gace ka kane. James wakorerwaga amakosa menshi na Jae Crowder, Davis na Caldwell-Pope bafashije cyane ikipe yabo muri iyi minota.

Mu bwugarizi, Lakers yifashishje Anthony Davis, yagoye cyane Jimmy Butler wa Miami Heat wari watsinze amanota 40 mu mukino uheruka, aho kuri uyu munsi yatsinze 22 gusa.

Lakers irabura intsinzi imwe nyuma yo gutsinda umukino wa kane wahuje amakipe yombi muri irindwi ishoboka kugira ngo yegukane igikombe cya 17 cya NBA mu gihe icyo yaherukaga yagitwaye mu 2010.

Umukino wa gatanu uteganyijwe mu ijoro rishyira ku wa Gatandatu.

Andre Iguodala ahanganye na LeBron James ubwo Miami Heat yakinaga na LA Lakers mu mukino wa kane
LeBron James yafashije LA Lakers gusigara ibura intsinzi imwe ngo yegukanye igikombe cya NBA iheruka mu 2010
Tyler Herro wa Miami Heat agerageza gushyira umupira mu nkangara mu gihe Kentavious Caldwell-Pope yashakaga uko amuhagarika
Tyler Herro ahanganye na Kentavious Caldwell-Pope
Jimmy Butler yitegereza aho acisha umupira ubwo yari yazitiwe n'abakinnyi ba Lakers
Umutoza Erik Spoelstra atanga amabwiriza ku bakinnyi be
Jimmy Butler agerageza gutsinda mu gihe Kyle Kuzma yari yazamutse ngo ahagarike umupira we
Anthony Davis afata umupira ubwo yari yasatiriwe na Bam Adebayo
Anthony Davis azibira Bam Adebayo wa Miami Heat
LeBron James yatsinze amanota 28 muri uyu mukino
LeBron James agerageza kuzibira Jimmy Butler wa Miami Heat
LeBron James na Anthony Davis bishimira intsinzi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .