Manchester United yongereye amasezerano ya Paul Pogba

Yanditswe na Eric Tony Ukurikiyimfura
Kuya 17 Ukwakira 2020 saa 08:00
Yasuwe :
0 0

Manchester United yahisemo kongera umwaka umwe ku masezerano y’umukinnyi wo hagati, Umufaransa Paul Pgba, aho azageza mu 2022 ayikinira.

Mu minsi ishize, Pogba yari yatangaje ko kwerekeza muri Real Madrid byaba ari inzozi zibaye impamo kuri we.

Uyu mukinnyi w’Umufaransa yari asanzwe afite amasezerano azarangira muri Kamena 2021, ariko ubwo yasinyaga mu 2016, hari humvikanywe ko ari imyaka itanu ishobora kongerwaho umwaka umwe.

Iyo ngingo ni yo yakoreshejwe na Manchester United imwongerera amasezerano azamugeza muri Kamena 2022.

Ubwo yari mu ikipe y’igihugu y’u Bufaransa mu Cyumweru gishize, Pogba yagize ati “Ibintu byinshi byaravuzwe. Birumvikana, buri mukinnyi yakwishimira gukina muri Real Madrid kandi byaba inzozi ze. Nanjye ni inzozi zanjye, kubera iki bitaba umunsi umwe?”

“Ariko ndi umukinnyi wa Manchester United kandi nkunda ikipe yanjye. Nkinira Manchester United, ndashaka kwitwara neza muri iyi kipe no gukora buri kimwe kugira ngo igaruke aho ikwiye kuba iri.”

Mu kiganiro yagiranye n’abanyamakuru ku wa Gatanu, umutoza wa Manchester United, Ole Gunnar Solskjaer, yagarutse ku byatangajwe na Pogba, ahishura ko bamwongereye amasezerano y’umwaka umwe.

Ati “Paul ni umukinnyi wacu, agiye kumara hano indi myaka ibiri.”

Yakomeje agira ati “Nzi neza ko Paul arajwe ishinga no kwitwara neza kandi natwe turashaka kubona urwego rwe rwiza. Ndizera ko mu myaka ibiri iri imbere, tuzabona urwo rwego rwe.”

Paul Pogba wakiniraga Juventus, yasubiye muri Manchester United mu 2016, ubwo yabaga umukinnyi wa mbere uhenze ku Isi, aguzwe miliyoni 89£, ariko akaba yaragowe n’imvune.

Umutoza wa Manchester United, Ole Gunnar Solskjaer, yavuze ko Paul Pogba azageza muri 2022 ari umukinnyi wayo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .