Ni igitaramo cyabaye ku mugoroba w’umunsi u Rwanda rwizihizaho Intwari, aba bahanzi bakaba bataramiye abitabiriye iki gitaramo nyinshi mu ndirimbo zizivuga ibigwi.

Iki gitaramo cyabereye ahitwa 2Shots, akabari gaherereye i Remera imbere ya BK Arena.

Cyusa Ibrahim umenyerewe mu muziki wa gakondo, yari yaserukanye n’itsinda ry’Inkera bakunze gufatanya. Baririmbanye nyinshi mu ndirimbo zifashishwaga ku rugamba rwo kubohora u Rwanda.

Ni indirimbo zanyuze abari bitabiriye iki gitaramo zimwe banamufasha kuziririmba.

Mariya Yohana na we umenyereweho ibihangano birimo n’ibyo yakoze mu gihe cy’urugamba rwo kubohora u Rwanda, yataramiye abari bakoraniye muri iki gitaramo baranyurwa.

Si Mariya Yohana gusa kuko hari hanatumiwe kandi Nkurunziza Pierre Damien wamamaye nka Maji Maji, izina yahawe kubera indirimbo ye yise gutyo. Uyu mugabo yashimishije abari muri iki gitaramo bataha banyuzwe.

Cyusa Ibrahim yashimishije abitabiriye iki gitaramo

Cyusa yafatanyaga n'itsinda ryitwa Inkera basanzwe bamenyerewe mu gutaramira abakunzi b'umuziki gakondo

Cyusa yakoze mu nganzo abira icyuya

Cyusa yakira Mariya Yohana ku rubyiniro

Mariya Yohana yaririmbye nyinshi mu ndirimbo ze zakunzwe

Ubwo yari ku rubyiniro, Mariya Yohana yagiye ashimirwa uruhare indirimbo ze zagize mu rugamba rwo kubohora u Rwanda

Hari abasanze Mariya Yohana ku rubyiniro bacinya akadiho

Mariya Yohana yaririmbye nyinshi mu ndirimbo zirata Intwari z'u Rwanda

Benshi bishimiye umuhanzi Maji Maji wataramiye abantu ku munsi w'Intwari

Maji Maji ni umwe mu bahanzi bakundirwa ibihangano birata ubutwari bw'ingabo z'u Rwanda