Dady De Maximo agiye gukorana indirimbo na Cassanova

Yanditswe na

Richard Irakoze

Kuya 12 Kamena 2013 saa 01:17
Yasuwe :
0 0

Mu rwego rwo kwitegura umunsi wo kwibohora, umuhanzi usanzwe umenyerewe mu by’imideli Dady de Maximo Mwicira-Mitali yandikiye umuhanzi Daddy Cassanova (Cassa Manzi) indirimbo bise “Rwanda Karame Ndatuje "
Avuga uko igitekerezo cyo kwandika iyo ndirimbo cyaje, Dady de Maximo yagize ati “Mu kwezi kwa Werurwe yangejejeho igitekerezo ko nakwandika indirimbo ikubiyemo uko U Rwanda twarubwiwe n’abakuru, uko se twe turubona mu myaka yacu nayo itari mike, uko se turwumva, uko twiyumva nk’Abanyarwanda, (...)

Mu rwego rwo kwitegura umunsi wo kwibohora, umuhanzi usanzwe umenyerewe mu by’imideli Dady de Maximo Mwicira-Mitali yandikiye umuhanzi Daddy Cassanova (Cassa Manzi) indirimbo bise “Rwanda Karame Ndatuje "

Avuga uko igitekerezo cyo kwandika iyo ndirimbo cyaje, Dady de Maximo yagize ati “Mu kwezi kwa Werurwe yangejejeho igitekerezo ko nakwandika indirimbo ikubiyemo uko U Rwanda twarubwiwe n’abakuru, uko se twe turubona mu myaka yacu nayo itari mike, uko se turwumva, uko twiyumva nk’Abanyarwanda, icyo twisobanuraho kubo turibo n’icyo igihugu cyacu kitubwiye.”

Biteganijwe ko iyi ndirimbo izasohoka tariki ya 4 Nyakanga 2013.

Soma iyo ndirimbo hano:

  • Uvugwa nabi ugakura,
  • ntukurwa uratuye,
  • amateka ateretse igisabo,
  • ntunyeganyega ungana ingamba,
  • ntugoma uragaba,
  • Ngabo idaterwa, igatiza ingabo,
  • Bukombe butera inka gukamwa.
  • Uri Nganji ntiwikirizwa induru
  • Uri Inshozamihigo uhiga amahanga,
  • Uri igihangage gihanga impamba
  • Uri Uwa Gihanga, uhanze amagana,
  • Uri Uwa Bahanga, bahanze kuguma
  • Uri umuhanga, uhanze ubuzima
  • Uri umusingi w’ibyiza, ubyiruye ijana
  • Uri Ijambo rigaba amariza
  • Uri Ingorabahizi, Ruti batinyira ubwema
  • Ugira inyambo ukazira inyanda.
  • Uri Ruti rusobetse igihango
  • Rudasumbwa, Rudatsimburwa, Rwasamumahina
  • Uri intare Rutikurana
  • Uri Ingwe Rutavongerwa
  • Reka tuvome ucanye uruti.

  • Rukerikibaye ingamba zimisha imituku
  • Ntutukwa uragangahura
  • Nturogwa uri inkuba
  • Ntuca ibikuba ugaba ineza
  • Mu mahoro uri Kaneza gasura imbyeyi,
  • Mpumugeni ziravumera.

  • Uri musabwa wasinzi gusaba
  •  
  • Rugiramumaro, utuye iteka.
  • Ntuterwa, ugushunze azira
  • umugongo yavunitse ahetse,
  • Utahana imihigo
  • Indamutsa zikaramutswa,
  • Ingabe zigataha.
  • Uri nyirurugo nturwanira icyicaro
  • Abawe Baratabara bikaba ishimwe
  • Batabaruka tukabikunda.

  • Uri umuhanga k’umuheto
  • Urarasa bakisenya
  • Uri Ntagungira aho zikotana
  • Uri ntwara Inshoboramyambi
  • Uri Intore nka Kabengera
  • Uri Imanzi ya Ngabo wa Rwema mu mahina,
  • Uri Ingabo yanjye Kagorora nta nshuro iyigarukana,
  • Ukwiteje ariyahura, Uri Ingabo Rutishisha
  • Ugira umuheto Rukangira.

  • Turagukunda urabizi
  • Tukagukumbura tutagutuye
  • Abagutuye batuje iteka
  • Iyo Zivumera bakama yombi
  • Reka duhahe waraduhaye
  • Reka duhange tuva mu bahanga
  • Uri Rutavogerwa karame ndatuje
  • Waduhaye umunyana dusazanye itoto
  • Ntanuzatokoza iryo twonse.

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .