Green Ferry Music ibarizwamo Bushali yasinyishije umuhanzikazi mushya

Yanditswe na Uwiduhaye Theos
Kuya 13 Ukwakira 2020 saa 01:08
Yasuwe :
0 0

Green Ferry Music isanzwe ibarizwamo abahanzi batandukanye bari kwitwara neza muri Hip Hop mu Rwanda, yasinyishije umukobwa mushya witwa Calene Ingabire, wahisemo kuza mu muziki nka Kaya.

Ni we mukobwa rukumbi uri muri Green Ferry Music, kuko uwitwa Weya Viatora wabarizwagamo asa n’uwashyize umuziki ku ruhande akajya mu bindi.

Yasinye abisikana n’umuraperi B-Threy wavuye muri iyi nzu ifasha abahanzi, agasigamo abandi barimo Bushali, Icenova, Slum Drip n’abandi biganjemo abaririmba Hip Hop.

Uyu mukobwa afite umwihariko mu bijyanye no kuririmba no gucuranga gitari, biri mu byamuhesheje amanota menshi yo kwinjira muri Green Ferry Music, nk’uko Zima Brack, umuvugizi w’iyi nzu yabitangaje.

Ati “Umwihariko we ahanini ni imiririmbire, ni uburyo bwe akoramo injyana ye. Afite kwitanga mu bintu akora, arabikunze kandi ubona afite ahazaza heza mu muziki we. Ni cyo cyadukuruye ahanini kugira ngo tube twakorana nawe, tumufashe nawe adufasha.”

Ku ikubitiro Kaya yahise ashyira hanze Extended Play[EP] nshya yise ‘Nyabyinshi’, hariho indirimbo nka ‘Uri Kaya?’, ‘Gamble’, ‘Kami’, ‘Blurry’ yakoranye na Icenova, ‘Ibyejo’ ye na Bushali, ‘5AM’ ndetse na ‘You know waririz’.

Avuga ko yayise gutya biturutse kuri Nyabyinshi cyangwa se Nyabingi uzwi cyane mu mateka y’u Rwanda.

Ati “Ni ukubera “Nyabyinshi” bisobanura ufite byinshi kandi na njye numva mfitiye byinshi abantu bakunda umuziki muri rusange cyangwa abakunda indirimbo zanjye. Intego mfite ni ugukora umuziki abantu bisanisha nawo kandi bisangamo.”

Ushaka kureba EP yose ya Kaya wakanda hano: https://www.youtube.com/playlist?list=PL23wzkrG2D1WtCCrNquz5cDulWT2w49cC

Reba indirimbo ya mbere Kaya yakoreye amashusho nyuma yo gusinya muri Green Ferry Music

Kaya wasinye muri Green Ferry Music ifasha abahanzi barimo Bushali
Uyu mukobwa ashaka gukora umuziki abantu bisangamo
Kaya, umuhanzikazi wamaze gusinya amasezerano muri Green Ferry Music

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .