Itariki nshya yo gutangaho ibihembo bya The Choice Awards yamenyekanye

Yanditswe na Nsengiyumva Emmy
Kuya 22 Gashyantare 2021 saa 06:06
Yasuwe :
0 0

ISIBO TV yatangaje itariki nshya izatangiraho ibihembo bya ‘The Choice Awards’, ibirori byari byarigijwe inyuma kubera gukumira ikwirakwira rya Covid-19.

Ubuyobozi bwa ISIBO TV bwemeje ko ibihembo bya The Choice Awards bizatangwa tariki 28 Gashyantare 2021.

Usibye itariki yatangajwe, ubuyobozi bw’iyi televiziyo bwatangaje ko buzatanga n’amashimwe abir; iry’umuhanzi wakoze ibikorwa by’indashyikirwa akaba atagikora umuziki ariko ibyo yakoze bitakwirengagizwa.

Hakiyongeraho ishimwe ry’umuhanzi wakoze ibikorwa by’indashyikirwa ariko witabye Imana.

Ubuyobozi bwa ISIBO TV, bwibukije abakunzi b’umuziki gukomeza gutora abahanzi bihebeye banabibutsa ko amatora azarangira tariki 25 Gashyantare 2021.

Ibihembo bya ISIBO TV bifite intego yo gushyigikira urugendo rw’umuziki w’u Rwanda, gutera imbaraga abahanzi no gushimira abandi bantu batandukanye bo mu myidagaduro kubera ibyo bamaze gukora mu ruganda.

Abashyizwe muri ibi byiciro ni abakoze bakagaragaza imbaraga nyinshi kuva muri Mutarama kugeza mu Ukuboza 2020. Bashyizwe mu byiciro 10.

Amatora yo kubahitamo ari gukorerwa ku rubuga rwa internet www.thechoicelive.com. Abazahiga abandi bazahabwa ibihembo bidaherekejwe n’amafaranga ariko nayo ashobora kuzajya atangwa mu minsi iri imbere.

Abahanzi bahatanye mu byiciro bibiri ni Bruce Melodie, Platini na Knowless Butera bari mu cyiciro cy’Umuhanzi w’Umwaka no mu cy’Indirimbo y’Amashusho meza y’Umwaka. Hari kandi umuhanzi Papa Cyangwe uri mu cyiciro The Choice Influencer of the Year no mu cy’Umuhanzi mushya w’Umwaka.

Mu cyiciro cy’Umuhanzi w’Umwaka harimo Bruce Melodie, Davis D, Israel Mbonyi, Mico The Best na Platini P. Mu cyiciro cy’Umuhanzikazi w’Umwaka harimo Aline Gahongayire, Alyn Sano, Clarisse Karasira, Knowless Butera na Marina.

Mu cyiciro cy’Umukinnyi wa Filime w’Umugabo w’Umwaka harimo Benimana Ramadhan [Bamenya], Mugisha Clapton [Kibonge], Ndayizeye Emmanuel [Nick Dimpoz], Niyitegeka Gratien [Seburikoko] na Uwihoreye Jean Bosco Mustapha [Ndimbati].

Mu cyiciro cy’Umukinnyi wa Filime w’Umugore w’Umwaka harimo Ingabire Pasclaine wamamaye nka Samantha, Mukayizere Djaria Nelly [Kecapu], Uwamahoro Mutoni Assia , Uwase Bahavu Jeannete na Uwimpundu Sandrine uzwi nka Rufonsina muri Filime yitwa ‘Umuturanyi.

The Choice Influencer of the Year harimo DJ Brianne, Junior Giti na Rocky Kirabiranya bazwi mu gusobanura filime, Papa Cyangwe na Super Manager.

Umuhanzi ukorera indirimbo hanze y’u Rwanda harimo Adrien Misigaro, Priscillah [Scillah], Meddy, Emmy na The Ben.

Mu cyiciro cy’Indirimbo y’Amashusho y’Umwaka harimo Atensiyo ya Platini, Bon ya Davis D, Player ya Butera Knowless, Saa Moya ya Bruce Melodie na Zoli ya Nel Ngabo.

Icyiciro cy’Umugabo utunganya meza amashusho kirimo Bagenzi Bernard, Cedric Dric, Fayzo Pro, Meddy Saleh na Serge Girishya.

Icyiciro cya Dj w’umwaka Dj Bisoso, Dj Diallo, Dj Ira, Dj Marnaud na DJ Toxxyk. Icyiciro cy’umuhanzi mushya w’umwaka harimo Calvin Mbanda, Ish Kevin, Juno Kizigenza, Papa Cyangwe n’itsinda rya Vestine na Dorcas.

Kabanda Jean De Dieu, Umuyobozi wa ISIBO TV yatangije The Choice Awards
Hazashimirwa uwakoze ibikorwa by'indashyikirwa witabye Imana
Hazashimirwa uwakoze ibikorwa by'indashyikirwa ariko utakiba mu ruganda bya buri munsi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .