Kecapu wo muri Bamenya yasubiye ku ishuri kwiga gukora no gutunganya filime

Yanditswe na Nsengiyumva Emmy
Kuya 14 Ukwakira 2020 saa 08:52
Yasuwe :
0 0

Imwe muri filime zigezweho mu Rwanda ni Bamenya, imaze igihe ica ibintu mu zitambuka kuri Youtube. Umwe mu bakinnyi b’imena bayikinamo yitwa Mukayizere Jalia Nelly ukoresha izina rya Kecapu.

Kecapu ubusanzwe wize ibijyanye n’amahoteli yasubiye mu ishuri kwiga ibijyanye na Filime.

Yagize ati ”Ngiye gutangira gukora filime yanjye, abantu bakore subscribe kuri shene yanjye ya youtube yitwa Kecapu.”

Uyu mukobwa avuga ko namara kwiga gukora no gutunganya filime azaba afite ubushobozi bwo kubyikorera cyangwa gukurikirana uko ikorwa ku buryo nta wamuhangika.

Kecapu uri gufata amasomo y’igihe gito, yavuze ko filime ye ageze kure umushinga wo kuyitunganya ku buryo mu minsi mike abantu bazaba batangiye kuyibona.

Abajijwe niba gukina filime ye bitazabangamira izo yakinagamo, Kecapu yagize ati "Ntacyo bizica, nzakomeza nzikinemo ariko noneho ndekere aho gukorera abandi.”

Ubusanzwe ni umukinnyi wa filime wabigize umwuga akana yarabyinjiyemo mu mwaka wa 2010-2011.

Avuga ko yinjira muri filime icyo yifuzaga ari ukumenyekana kuruta ibindi byose. Mu itangira rye yabangamiwe no kumara imyaka irenga itanu ataramenyekana kandi zarizo nzozi ze.

Ati "Urumva niba narinjiye muri filime ngira ngo menyekane, nkamara imyaka itanu, itandatu ntarabigeraho nicyo kintu cyangoye. Hari aho byageze nshaka kubivamo ariko kuko yari impano yanjye ndakomeza.”

Kwinjira muri filime akiri muto avuga ko bitigeze bimurangaza ngo abe yatana amashuri amunanire kuko yabihuje neza nta kibazo kijemo.

Kecapu yitandukanyije n’abakunze kuvuga ko umukobwa winjiye muri filime cyangwa wabaye icyamamare aba ashobora gutuma agwa mu bishuko.

Yabisobanuye agira ati "Ubundi baramutse bakuraruye ubwo yaba ariyo yari gahunda cyangwa usanzwe urarutse akabona benshi.”

Uyu mukinnyi yahanuye urubyiruko avuga ko rukwiye kwishakamo impano rwifitemo no gukora ibyo rukunda.

Ikiganiro na Kecapu wamenyekanye cyane muri filime bita Bamenya

Kecapu na Bamenya bamaze kubaka izina muri filime Nyarwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .