Nyuma y’icyumweru arongowe, Umuraperikazi Candymoon Supplier yasubukuye umuziki we

Yanditswe na Nsengiyumva Emmy
Kuya 5 Ukwakira 2020 saa 08:38
Yasuwe :
0 0

Nyuma y’icyumweru, Umuraperikazi Iradukunda Phiona wamenyekanye nka Candymoon Supplier akoze ubukwe, yasubukuye ibikorwa bya muzika ahita asohora indirimbo ye nshya “Ifitina”, ahita yizeza abakunzi b’umuziki kubona umuraperikazi w’ingufu nyinshi kuruta igihe cyose bamumenye.

Ku ikubitiro nyuma yo gukora ubukwe ku wa 25 Nzeri 2020, Candymoon yasohoye indirimbo ye “Ifitina” yanahise asohorera amashusho kuri uyu wa 5 Ukwakira 2020.

Iyi ndirimbo “Ifitina”, ikubiyemo ubutumwa bwo guha gasopo abantu bakunze kugirira ishyari bagenzi babo. By’umwihariko yavugaga ko nta cyiza cyo kugira ishyari mu buzima.

Ni indirimbo yakorewe mu buryo bw’amajwi na Crack Beat, amashusho yayo yo yafashwe anatunganywa na King Philosophe.

Akimara gukora ubukwe, mu kiganiro na IGIHE Candymoon yijeje abakunzi b’umuziki we ko agiye kuwukorana imbaraga zidasanzwe.

Yagize ati "Cyera nakoraga umuziki nta muntu umfasha, ubu mfite umujyanama akaba n’umugabo wanjye. Igihe kirageze ngo mumenye ko ndi umuhanzi ukomeye.”

Kugeza ubu uyu muraperikazi yamaze gusinya amasezerano y’imikorere muri Big Town Record ya Bac T.

Candymoon ari mu baraperikazi bakomeye mu Rwanda. Izina rye ryatumbagiye cyane akorana na P Fla bari bahuriye mu itsinda rye yise "Imperial Mafia Land", uyu muraperi yashinze amaze gutandukana na Tough Gang.

Ku wa Gatanu tariki 25 Nzeri 2020, Candymoon yakoze ubukwe na Iyakaremye Abdallah bari bamaze imyaka itatu bamenyanye.

Kuri uyu munsi Candymoon yasezeranye n’umugabo we mu murenge ndetse banahamya isezerano ryabo imbere y’Imana.

Candymoon na Iyakaremye bamenyaniye i Mageragere kuri gereza aho bari bagiye gusura P Fla. Nyuma yo kumenyana batangiye kuvugana bya hafi birangira bemeranyije kubana.

Umuraperikazi Iradukunda Phiona [Candymoon] aherutse gukora ubukwe na Iyakaremye Abdallah bari bamaranye imyaka itatu bari mu rukundo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .