Umuhanzi Emmy yambitse impeta umukunzi we bitegura kurushinga

Yanditswe na Nsengiyumva Emmy
Kuya 13 Mutarama 2021 saa 02:52
Yasuwe :
0 0

Umuhanzi Emmy usanzwe atuye muri Leta Zunze Ubumwe za Amerika yateye ivi asaba Umuhoza Joyce bamaze igihe bakundana ko yamubera umufasha.

Mu minsi ishize umuhanzi Emmy yaje mu Rwanda mu rugendo yagize ibanga. Kuri uyu wa Kabiri tariki 12 Mutarama 2021 nibwo yateye ivi asaba umukunzi we ko yamwemerera bakarushinga.

Ibirori byo kwambika uyu mukobwa impeta byahuriranye n’isabukuru ye y’amavuko. Nawe nta kuzuyaza yahise yemerera uyu muhanzi ko batangira urugendo rugana ku kurushinga.

Bitewe n’ingamba zo kwirinda icyorezo cya Covid-19, Emmy ntabwo yigeze atumira benshi mu nshuti ze cyangwa iz’umukobwa muri uyu muhango.

Mu kiganiro kigufi na IGIHE, uyu muhanzi uri no gufata amashusho y’indirimbo nshya ‘Dokima’ izasohoka mu minsi ya vuba, yavuze ko atahita atangaza igihe ubukwe bwe buzabera icyakora ngo nabwo burahari.

Yagize ati “Ubukwe nabwo ni bugera tuzabibamenyesha.”

Abajijwe niba nyuma yo kubana umukobwa azamusanga muri Amerika cyangwa niba we azagaruka mu Rwanda, yavuze ko batarabifataho umwanzuro, ati “Ndacyari gutekereza niba njye naza.”

Emmy na Umuhoza Joyce bamaze imyaka itari mike bakundana. Inkuru z’urukundo rwabo zatangiye kuvugwa mu itangazamakuru kuva mu 2018.

Icyakora nubwo mu ntangiriro urukundo rwabo rwavuzwe mu itangazamakuru, bagerageje kugira ibanga umubano wabo.

Emmy ni umwe mu bahanzi bamaze igihe mu muziki w’u Rwanda. Mu 2012 ubwo yavaga mu Rwanda yerekeza muri Leta Zunze Ubumwe za Amerika, yari umwe mu bagezweho cyane ko yari no ku rutonde rw’abahatanira igihembo cya Primus Guma Guma Super Star ryabaga ku nshuro ya kabiri.

Emmy yavuye mu Rwanda agezweho mu ndirimbo nka Nsubiza, Uranyuze, Kuki, Ibyo bavuga, Ese urinde n’izindi.

Ageze muri Leta Zunze Ubumwe za Amerika ntabwo yicaye ubusa kuko yakomeje gukora mu nganzo asohora izindi zirimo; Ntunsige, Wabaga he yakoranye na Princess Priscillah, Ntari umuntu, n’izindi zirimo Care aheruka gusohora mu minsi ishize.

Ku kiyaga cya Muhazi niho Emmy yambikiye impeta umukunzi we
Emmy avuga ko ubukwe nabwo buri vuba nubwo yirinze gutangaza igihe
Byari ibyishimo kuri uyu mukobwa nyuma yo kwambikwa impeta n'umuhanzi Emmy
Emmy na Joyce bemeranyije kubana akaramata
Nyuma yo guhana isezerano ryo kubana akaramata barebana akana ko mu jisho

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .