Céline Dion avuga ko imibanire ye na Réne Angélil yagoranye

Yanditswe na

Munyentwari Patrick

Kuya 25 Nyakanga 2013 saa 02:09
Yasuwe :
0 0

Nyuma y’imyaka isaga cumi n’icyenda Céline Dion ashyingiwe na Angelil, yatangaje ko atorohewe na bimwe mu bihe yagiye ahura nabyo bivanze no kuba umuririmbyi nk’umwuga we.
Céline Dion yemeza ko kimwe n’abandi bashakanye, kuba ari icyamamare bitamubujije guhura n’ibibazo bireba urugo, birimo kuba yaragiye agira ibitaramo bitandukanye kandi bikomeye, bikamusaba gusiga urugo, rimwe na rimwe Angélil ntabyihanganire bagashwana, ariko bikarangira ku bwo kwihangana.
Ati “Abatandukana babanaga baba (...)

Nyuma y’imyaka isaga cumi n’icyenda Céline Dion ashyingiwe na Angelil, yatangaje ko atorohewe na bimwe mu bihe yagiye ahura nabyo bivanze no kuba umuririmbyi nk’umwuga we.

Céline Dion yemeza ko kimwe n’abandi bashakanye, kuba ari icyamamare bitamubujije guhura n’ibibazo bireba urugo, birimo kuba yaragiye agira ibitaramo bitandukanye kandi bikomeye, bikamusaba gusiga urugo, rimwe na rimwe Angélil ntabyihanganire bagashwana, ariko bikarangira ku bwo kwihangana.

Ati “Abatandukana babanaga baba birengagije ibihe byiza banyuzemo, mbona nta mpamvu yo gutandukana burundu, nubwo twe twatandukana igihe gito byaterwa n’akazi ubundi tugakomeza ubuzima”.

Benshi mu bahanzi b’ibyamamare ntibakunda kurambana n’abo bashakanye, bitewe na gahunda z’ibitaramo zituma batabona akanya ko kwishimana, no kwita ku muryango.

Céline Dion avuga ko ikingenzi ari ukumvikana n’uwo mwashakanye, kwihangana, kumenya kugenzura ibikurushya bitewe na gahunda zitandukanye, zituma umuntu abura umwanya wo kwita ku rugo.

Céline Dion akomeza avuga ko bitari byoroshye kubana, bakihanganirana mu bihe bitoroshye, ariko ko barambanye.

Céline Dion, w’imyaka 45, ukomoka mu gihugu cya Canada aracyakora ibitaramo hirya no hino ku isi. Afite abana batatu barimo impanga ebyiri. Kuri ubu yahagaritse kubyara.

Urubuga Closer rwanditse ko uyu muririmbyi wabaye icyamamare kugeza ategura igitaramo gikomeye mu gihugu cy’u Bufaransa tariki 25 Ugushyingo no kuwa 1 Ukuboza .

Indirimbo "My Heart will go on" ya Céline Dion


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .