Ubushobozi bwa AVEGA bwarenzwe n’ibibazo by’abasaza n’abakecuru bibana

Yanditswe na

Faustin Nkurunziza

Kuya 4 Mata 2013 saa 06:58
Yasuwe :
0 0

Abakecuru n’abasaza 1.462 b’inshinke za Jenoside yakorewe abatutsi mu 1994, barengeje imyaka 70 bakeneye ubufasha bwa buri wese kuko ibibazo bafite birenze ubushobozi bw’umuryango w’abapfakazi ba jenoside (AVEGA)
Nk’uko bitangazwa na Kayirere Odette Umunyamabanga nshingabikorwa wa AVEGA, ngo bafite ikibazo cy’abasaza n’abakecuru bibana bagejeje ku myaka mirongo inani ndetse n’ijana, batagira ubavomera amazi n’ubatekera, kandi imyaka yabo y’ubukure itabemerera gukora imirimo ivunanye nk’iyo.
Muri (...)

Abakecuru n’abasaza 1.462 b’inshinke za Jenoside yakorewe abatutsi mu 1994, barengeje imyaka 70 bakeneye ubufasha bwa buri wese kuko ibibazo bafite birenze ubushobozi bw’umuryango w’abapfakazi ba jenoside (AVEGA)

Nk’uko bitangazwa na Kayirere Odette Umunyamabanga nshingabikorwa wa AVEGA, ngo bafite ikibazo cy’abasaza n’abakecuru bibana bagejeje ku myaka mirongo inani ndetse n’ijana, batagira ubavomera amazi n’ubatekera, kandi imyaka yabo y’ubukure itabemerera gukora imirimo ivunanye nk’iyo.

Muri abo basaza n’abakecuru 462 bitabwaho na AVEGA ku byangombwa byose bikenerwa mu buzima bwa muntu bwa buri munsi. Kayirere agira ati “Aba bantu bakeneye ubufasha bwa buri wese ufite urukundo n’umutima utabara kuko mu bushobozi bwacu n’ubuvugizi tubakorera usanga tubitaho, kandi kubera izabukuru bitabwaho nk’abana bato batagira icyo bikorera.”

Kayirere avuga ko usibye kuba badafite ubushobozi bw’imibereho myiza ngo bakeneye n’umuntu ubitaho umunsi ku w’undi kuko bafite intege nke z’umubiri. Mu bibazo bindi bakunze guhura nabyo ngo harimo kwigunga, gusaza imburagihe kubera ibibazo babana nabyo, ibikomere bidakira basigiwe na Jenoside yakorewe Abatutsi mu 1994 ndetse n’uburwayi bwo mu mutwe kuri bamwe na bamwe.

Kabasinga Chantal president wa AVEGA avuga ko hagikenewe ubuvugizi kuri iyo miryango, haba mu bigo bya Leta, ibyigenga n’imishinga n’abandi bafite umutima w’urukundo mu kwita kuri iyo miryango, bashakirwa inkunga z’igihe kirekire n’uburyo bavanwa mu bwigunge bagashyirwa ahantu hamwe nko mu bigo binini, ku buryo no kubitaho byakoroha.

AVEGA imaze gushyira ahagaragara igitabo gifite impapuro zirenga 200, zigaragaza uburyo abanyamuryango bayo b’imyaka 70 n’abayirengeje bafite ibibazo bidasanzwe.

Uwimana Ignace Marie, umukecuru wibana uba mu mudugudu w’abapfakazi ba Jenoside ku Kimironko, avuga ko ubuzima bubi baciyemo mu gihe cya Jenoside yakorewe abatutsi, akabura abana be n’umugabo we byakomeje kugenda bimugiraho ingaruka mbi, harimo no kuba atakigira uwo atuma amazi n’ibindi bitandukanye. Agira ati “ Kera habagaho icyo twakwita ndinda mubyeyi na ndinda mwana, none ntibikibaho kuko twasigaye iheruheru.”


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .