Ruremire yakoze indirimbo ivuga ku mateka ya Jenoside mu Rwanda (Video)

Yanditswe na

Jean Paul Ibambe

Kuya 19 Gashyantare 2014 saa 03:29
Yasuwe :
0 0

Focus Ruremire, umuhanzi umenyerewe ku ndirimbo z’umuco gakondo nyarwanda, yashyize hanze indirimbo ikubiyemo amateka ya Jenoside yakorewe Abatutsi mu Rwanda n’ubuzima nyuma y’amateka mabi yaranze igihugu.
Abajijwe icyatumye atekereza iyi ndirimbo, Ruremire yavuze ko yabitewe no kuba u Rwanda rugiye kwinjira mu bihe byo kwibuka abazize Jenoside yakorewe Abatutsi mu Rwanda hamwe no gushaka gusangiza isi yose amateka y’ u Rwanda.
Ati: “Iyi ndirimbo nayitekerejeho kuko tugiye kwibuka, hari (...)

Focus Ruremire, umuhanzi umenyerewe ku ndirimbo z’umuco gakondo nyarwanda, yashyize hanze indirimbo ikubiyemo amateka ya Jenoside yakorewe Abatutsi mu Rwanda n’ubuzima nyuma y’amateka mabi yaranze igihugu.

Ruremire Focus

Abajijwe icyatumye atekereza iyi ndirimbo, Ruremire yavuze ko yabitewe no kuba u Rwanda rugiye kwinjira mu bihe byo kwibuka abazize Jenoside yakorewe Abatutsi mu Rwanda hamwe no gushaka gusangiza isi yose amateka y’ u Rwanda.

Ati: “Iyi ndirimbo nayitekerejeho kuko tugiye kwibuka, hari abantu batabonye Jenoside bayibarirwa, nashatse kubaha ishusho y’uko byagenze.”

Kugira ngo ubutumwa buri muri iyi ndirimbo bugere kuri buri wese, Ruremire yanahisemo no kubusobanura mu ndirimi z’amahanga.

Ruremire avuga ko mu ntego yihaye mu buhanzi bwe harimo no kubaka ubumuntu.
Aha yagize ati: “Kubaka ubumuntu ni ikintu kinkora ahantu ku mutima, mu buhanzi bwanjye mparanira icyarushaho gutuma abantu bazirikana kugira ubumuntu, niyo ntego yanjye.”

Ibi kandi ni nabyo byatumye akora indirimbo ivuga ngo umuntu ni nk’undi. Iyi ndirimbo nayo ikaba yaragiye hanze hamwe n’amashusho yayo.

Focus Ruremire, atangaza ko kugira ubumuntu bikwiye kujyana no kugira neza. Aha akaba atanga urugero rwa Nyakwigendera Niyitegeka Felicite anaririmba, kuba yaragize ubutwari bwo guhisha abantu akarinda iyo abizira. Ni mu ndirimbo ‘Amateka yacu’.

Ati: “Iyo abantu bajya kugira ubumuntu ntabwo amahano yagwiriye u Rwanda yari kuba, kuko utekereje ko umuntu wese ari nk’undi, ntabwo wareba mugenzi wawe nabi, nifuza ko abantu bose bazirikana iki kintu.”

Reba indirimbo Amateka yacu hano:

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .