Kitty Joyce yihaye umwitangirizwa w’imyaka 5 akamamara muri Afurika yose

Yanditswe na

IGIHE

Kuya 10 Ukwakira 2014 saa 07:28
Yasuwe :
0 0

Umuhanzi Kitty Joyce ni umwe mu bakizamuka ariko wifitemo icyerekezo cyo kuba icyamamare gihagarariye u Rwanda ku Mugabane wa Afurika mu gihe kitarenze imyaka itanu kubera ingufu n’impano yiyumvamo.
Uyu mukobwa uheruka gushyira hanze amashusho y’indirimbo ‘Deep in love’ yakoranye na Sizzaman na Dan Flevor bo muri Uganda, ngo icyo ashyize imbere kugeza ubu ni ugukora umuziki akomatanya amasoko abiri, u Rwanda na Uganda, mu rwego rwo gushakisha uburyo yamenyekana byoroshye mu karere. Mu (...)

Umuhanzi Kitty Joyce ni umwe mu bakizamuka ariko wifitemo icyerekezo cyo kuba icyamamare gihagarariye u Rwanda ku Mugabane wa Afurika mu gihe kitarenze imyaka itanu kubera ingufu n’impano yiyumvamo.

Uyu mukobwa uheruka gushyira hanze amashusho y’indirimbo ‘Deep in love’ yakoranye na Sizzaman na Dan Flevor bo muri Uganda, ngo icyo ashyize imbere kugeza ubu ni ugukora umuziki akomatanya amasoko abiri, u Rwanda na Uganda, mu rwego rwo gushakisha uburyo yamenyekana byoroshye mu karere.

Mu kiganiro yagiranye na IGIHE, uyu muhanzi yavuze ko bitewe n’ingufu, ububyutse n’icyerekezo yifitemo mu muziki, ngo arashaka kumenyekana mu karere ka Afurika y’Uburasirazuba byihuse ari nayo mpamvu yatangiye umuziki we yibanda cyane muri Uganda ari naho yemeza ko hafite isoko ryagutse kurusha u Rwanda.

Ati “Buriya impamvu nibanda cyane gukorera umuziki wanjye uri Uganda icya mbere ni uko bakunda style ndirimbamo, abatunganya umuziki hariya bafite quality(ireme) mba nifuza kandi ubona ko iri ku rwego rwo hejuru kurusha u Rwanda. Bizanyorohereza guhita menyekana mu karere”

Kitty Joyce washyize hanze amashusho y’indirimbo ye ‘Give it to You’ muri gahunda afite zikomeye ni ukwibanda muri Uganda, asohora indirimbo n’amashusho yayo byibura buri kwezi ndetse akazaguma kuri uwo muvuduko ari nabyo abonamo ikiraro kizamwambutsa u Rwanda akamamara muri Afurika bitarenze imyaka itanu.

Ati “Nyuma ya ‘Give it to you’ ndashaka guhita nsubira muri Uganda gukora indi ndirimbo hari umuhanzi waho ukomeye nzakorana na we ariko ubu sinamuvuga. Ndashaka kwibanda muri Uganda cyane kandi buri kwezi nkajya nshyira hanze indirimbo na video yayo”

Asoza agira ati “Icyerekezo mfite mu muziki ni ugukora iyo bwabaga nkamamara muri Afurika. Byibuze mu myaka itarenze itanu nzabe ndi umuhanzi uhagarariye u Rwanda mu kumenyekana muri Afurika yose kandi nzabigeraho”


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .