Meddy yerekeje mu Buholandi (Amafoto)

Yanditswe na

Munyengabe Murungi Sabin

Kuya 2 Ukwakira 2015 saa 09:28
Yasuwe :
0 0

Meddy ukorera umuziki we muri Leta Zunze Ubumwe za Amerika yerekeje mu Buholandi ahazabera Rwanda Day kuri uyu wa Gatandatu tariki ya 3 Ukwakira 2015.

Mu kiganiro na IGIHE ubwo yari mu nzira yerekeza i Amsterdam, Meddy yashimangiye ko afite inyota yo gutaramana n’amagana y’abazitabira uyu muhango wo kuganira ku iterambere ry’igihugu no kungurana ibitekerezo ku cyatuma ibintu birushaho kuba byiza.

Yagize ati « Si ubwa mbere nitabiriye Rwanda Day ariko ni umunsi mbona ko ari ingirakamaro ku Banyarwanda cyane cyane ababa mu mahanga. Abenshi ntabwo tuba duheruka i Kigali, usanga hari byinshi byiza byagezweho tuba dukwiye kumenya ndetse natwe tugatanga ibitekerezo byatuma turushaho kubaka igihugu cyacu »

Yongeraho ati « Mfite amashyushyu yo gutaramana na bo , nabonye imibare y’abazitabira yariyongereye cyane. Ni ibintu biba ari byiza »

Hano yari agiye guhaguruka i Dallas aho atuye yerekeza mu Buholandi

Meddy ni we muhanzi rukumbi uzasusurutsa Rwanda Day aturutse muri Amerika. Azafatanya na bagenzi be barimo abazaturuka mu Rwanda n’i Burayi barimo Teta, King James, Masamba, Muyango, Dj Flora, Julienne Gashugi, Sofia, Ben Kayiranga, Thierry Haguma, Nyiratunga Alponsine n’abandi batandukanye.

Rwanda Day 2015 yatumye urujya n’uruza rw’ Abanyarwanda baturutse imihanda yose berekeza mu Buholandi aho izabera kuri iyi nshuro yayo ya karindwi. Itegerejwemo abasaga 4,300 bamaze kwiyandikisha.

Meddy n'imizigo ye ubwo yari mu rugendo yerekeza mu Buholandi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .