Umuhanzi Pacson asanga Hip hop ari injyana y’ubumwe

Yanditswe na

Richard Irakoze

Kuya 13 Kanama 2012 saa 01:43
Yasuwe :
0 0

Umuhanzi Pacson uririmba injyana ya Hip Hop avuga ko iyi ari injyana yunga abahanzi kuko bakunze gukora kenshi ibihangano bari hamwe. Uyu muraperi umaze guhuriza abahanzi bagenzi be mu ndirimbo 5 avuga ko bibongerera ubumwe kandi bigakemura amakimbirane hagati yabo.
Indirimbo 5 Pacson amaze guhuriza abaraperi benshi ni “Imvune z’abahanzi”, “Nta n’umwe ubizi”, “Same Hood”, “Anti-Virus”, “Imari Izitse”. Abahanzi bakunze kugaragara mu ndirimbo Pacson ahurizamo abaraperi ni Green P, El-Poeta, Fireman, (...)

Umuhanzi Pacson uririmba injyana ya Hip Hop avuga ko iyi ari injyana yunga abahanzi kuko bakunze gukora kenshi ibihangano bari hamwe. Uyu muraperi umaze guhuriza abahanzi bagenzi be mu ndirimbo 5 avuga ko bibongerera ubumwe kandi bigakemura amakimbirane hagati yabo.

Indirimbo 5 Pacson amaze guhuriza abaraperi benshi ni “Imvune z’abahanzi”, “Nta n’umwe ubizi”, “Same Hood”, “Anti-Virus”, “Imari Izitse”. Abahanzi bakunze kugaragara mu ndirimbo Pacson ahurizamo abaraperi ni Green P, El-Poeta, Fireman, Stana, Ziggy 55, Fan-B, Jay Polly, Diplomate, Lyne, Inspector Lewis, P-Fla, Jay-C ndetse na Mani Martin.

Ubwo twamubazaga impamvu akunda guhuza abaraperi benshi mu ndirimbo imwe, Pacson, w’imyaka 25, avuga ko ari ukugaragaza ubumwe buri mu njyana ya Hip Hop avuga ko butagaragara mu zindi njyana.

Yagize ati:”Njyewe mbere na mbere numva ko abaraperi tutahurira mu muziki turi gutukana no guhangana gusa, njyewe numva ko twakora indirimbo hamwe tukerekana ubumwe buri muri Hip Hop kurusha izindi njyana, ntabwo ndumva ngo umuhanzi runaka wo muri R’n’B yakoranye n’umuhanzi runaka wo muri R’n’B. Twebwe byerekana ko tuba turi umuntu umwe n’ubwo twaba turutanwa mu nzego.”

Pacson yongeraho ati:”Buri wese muhamagara ukwe ntabwo aba azi ko ari bukorane na mugenzi we na babandi baba bafitanye urwikekwe (ibibazo hagati yabo) ntabwo baba bazi ko bazahurira mu ndirimbo imwe iyo bahuriye nko muri “Anti-Virus” cyangwa “Nta n’umwe ubizi” bahita batinyukana bakiyunga.”

Pacson avuga ko muri izi ndirimbo ahurizamo abahanzi afatanya n’aba baraperi mu gushakira ibisubizo bimwe mu bibazo biri muri Sosiyete. Atanga urugero nko mu ndirimbo Anti-Virus avuga ko aba agaragaza ko mu Rwanda harimo ikibazo mu muziki Nyarwanda. Aha avuga ko hari abahanzi bashoboye batazamurwa, mu gihe hari abahandi bahanzi badashoboye bacurangwa umunsi n’ijoro ku maradiyo menshi.

Uretse ubuhanzi, Pacson asanzwe ari n’umunyamakuru kuri City Radio ikorera mu mujyi wa Kigali ku murongo wa 88.3FM. akora mu kiganiro kiba buri munsi saa cyenda kugeza saa kumi n’ebyiri (3PM-6PM) gicurwangwamo indirmbo cyane cyane inyarwanda.



KANDA HANO USHOBORE KUMVA
  Anti-Virus By Pacson

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .