Teta yasohoye indirimbo isubiza abatishimiye itorwa rye muri PGGSS4

Yanditswe na

Kate Katabarwa

Kuya 12 Werurwe 2014 saa 01:22
Yasuwe :
0 0

Abinyujije mu ndirimbo nshya yise ‘Kata’, umuhanzikazi Teta Diana wamenyekanye cyane mu minsi ishize mu ndirimbo Fata Fata ndetse akaba abarizwa no muri Gakondo Group ya Masamba, yasubije abatishimiye intambwe yateye mu muziki ubwo yatorwaga mu bazahatanira Primus Guma Guma Super Star ya kane.
Nk’uko Teta abivuga, iyi ndirimbo yayisohoye nyuma y’amagambo menshi yavuzwe amaze gutorwa mu bahanzi 15 bari mu irushanwa Primus Guma Guma Super Star aho bamwe bavugaga ko atari abikwiye kuko amaze (...)

Abinyujije mu ndirimbo nshya yise ‘Kata’, umuhanzikazi Teta Diana wamenyekanye cyane mu minsi ishize mu ndirimbo Fata Fata ndetse akaba abarizwa no muri Gakondo Group ya Masamba, yasubije abatishimiye intambwe yateye mu muziki ubwo yatorwaga mu bazahatanira Primus Guma Guma Super Star ya kane.

Nk’uko Teta abivuga, iyi ndirimbo yayisohoye nyuma y’amagambo menshi yavuzwe amaze gutorwa mu bahanzi 15 bari mu irushanwa Primus Guma Guma Super Star aho bamwe bavugaga ko atari abikwiye kuko amaze igihe gito akora muzika, cyane cyane ko hari abandi batagiyemo kandi bamaze igihe kinini bakora umuziki.

Ijambo ‘Kata’ ryamamajwe cyane na Bull Dog ubwo yavaga muri PGGSS yabaye ku nshuro ya gatatu, aho yavuze ngo ntabwo azi “kata” ibya Primus Guma Guma Super Star bicamo. Bimeze nk’aho yashakaga kumvikanisha ko atari akwiriye kuvamo.

Ubwo Teta yatorwaga mu bazahatanira igihembo gihabwa umuririmbyi warushije abandi, hari abamushinjaga ko yaba yarahaye abanyamakuru ruswa, babicishije mu mvugo igira iti "yakinnye kata" gusa we yemeza ko yagiyemo kubera impano Imana yamuhaye kandi abamutoye babonaga ko abishoboye.

Amwe mu magambo agize indirimbo ‘Kata’ yakozwe na Piano, agira ati urugamba ndwana ndwanirwa n’Isumba byose, yampaye impano ingenera n’inzira nzanyuramo, yampaye intego ab’isi banshinja Kata, ngo Teta akina Kata.."

Teta Diane kandi asaba Abanyarwanda kumugirira icyizere bakumva ko kuba yaratowe n’abanyamakuru nta zindi nzira yanyuzemo, ahubwo ari uko afite impano akanizeza abafana be ko atazabatenguha na rimwe.

Teta yatangiye kuririmba mu mwana wa 2010 afasha (backing) abahanzi, cyane cyane abo mu itsinda Gakondo, nyuma aza gutangira kuririmba umuziki we ubwo yaririmbaga mu ndirimbo yahuriwemo n’abahanzi benshi ‘Fata Fata’ yakunzwe na benshi.


Kwamamaza

Kwamamaza

Izindi nkuru wasoma

Inkuru ziheruka - Indirimbo

Uwanjye
17/05/14 - 10:25
Ndaje
06/04/14 - 09:07
Kata
09/03/14 - 06:42
Canga ikarita
09/03/14 - 06:22
Undi Munsi
20/09/13 - 07:32
Call
15/01/13 - 09:17
Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .