MINISPOC yatangije gahunda nshya yo gushishikariza abantu gusura ahantu nyaburanga

Yanditswe na

Richard IRAKOZE

Kuya 17 Nzeri 2014 saa 07:36
Yasuwe :
0 0

Minisitiri wa Siporo n’Umuco, Habineza Joseph yafashe umugambi wa ‘Kora ndebe irutwa na vuga numve’, ni uko atangiza gahunda yo gufata iya mbere agasura ahantu nyaburanga kugira ngo atange urugero ku bandi banyarwanda.
Kuri uyu wa Kabiri, Minisitiri Habineza yasuye Inzu Ndangamurage y’ahitwa Kwa Richard Kandt, iri mu mujyi wa Kigali. Kuwa Mbere, Habineza nabwo yasuye Ingoro Ndangamurage y’Ibidukikije, iri i Karongi asaba ko yaba yatashywe mbere y’uko uyu mwaka ushira.
Minisitiri Habineza avuga (...)

Minisitiri wa Siporo n’Umuco, Habineza Joseph yafashe umugambi wa ‘Kora ndebe irutwa na vuga numve’, ni uko atangiza gahunda yo gufata iya mbere agasura ahantu nyaburanga kugira ngo atange urugero ku bandi banyarwanda.

Kuri uyu wa Kabiri, Minisitiri Habineza yasuye Inzu Ndangamurage y’ahitwa Kwa Richard Kandt, iri mu mujyi wa Kigali. Kuwa Mbere, Habineza nabwo yasuye Ingoro Ndangamurage y’Ibidukikije, iri i Karongi asaba ko yaba yatashywe mbere y’uko uyu mwaka ushira.

Aha ni Ku Nzu ndangamurage y'ibidukikije iri i Karongi

Minisitiri Habineza avuga ko kuba Abanyarwanda bataragira umuco wo gushishikarira gukunda gusura ahantu nyaburanga hari ubwo biterwa n’abamurika ubwo bwiza, asaba ko barushaho kunoza serivise ku buryo uje abagana abona ko byari ngombwa kuza bitewe n’udushya yahasanze.

Gusa ananenga Abanyarwanda bacyifitemo imyumvire ko gusura ahantu nk’aha bitabareba, asaba ko “bakwiye kubaho nk’abasirimu bakajya bajya gutemberera ahantu nyaburanga”.

Imibare y’abasura inzu ndangabumurage n’ahantu nyaburanga igaragaza ko Abanyarwanda bataragira uwo muco wo gufata gutembera bagiye kureba ibyiza bitatse igihugu.

Uganiriye na bamwe bakubwira ko bumva ibyo gusura ahantu nyaburanga bumva ari iby’abakire gusa bitari iby’umuntu urya yiyushye akuya rimwe na rimwe akanaburara, bati “ni iby’abahaze!”.

Hari abandi bavuga ko bumva nta gashya bahakura, mu gihe abandi bo bavuga ko hari ibirangaza byinshi ku buryo kubona umwanya wo gusura ahantu nyaburanga kuri bo batabibonera umwanya.

Kuri ubu u Rwanda rufite Ingoro umunani zishobora gusurwa harimo Ingoro yo kwibohora izwi ku izina ry’Umurindi w’intwari’, Ingoro y’umurage w’imibereho y’Abanyarwanda iri i Huye, Ingoro y’Ubugeni n’Ubuhanzi iri i Nyanza ku Rwesero, Ingoro y’umwami iri i Nyanza-Rukari, Ingoro y’Abaperezida iri Kigali Kanombe, Ingoro y’amateka kamere y’Abanyarwanda iri i Kigali kwa Richard Kandt, n’Ingoro y’ibidukikije iri i Karongi.

Alphonse B. Umuliisa, umuyobozi w’izi ngoro zose avuga ko ku mwaka basurwa n’abantu 180,000.

Ugereranyije n’imibereho y’abanyarwanda, ibiciro byo gusura inzu ndangamurage ntibihanitse. Ni 1000RwF ku bakuru na 500 ku bana.

Ikindi ni uko ingoro nyaburanga zigiye ziherereye mu bice binyuranye by’u Rwanda ku buryo uwifuza kuhatemberera atabura ahamwegereye, gusa ikibazo kiracyari kuki Abanyarwanda badahaguruka ngo bajye gusura ahantu nyaburanga?

Minisitiri Habineza yasobanuriwe ibijyanye n'u Rwanda bigaragara mu Nzu ndangamurage yo kwa Richard Kandt
Bamwe mu basura ahantu nyaburanga bagira amahirwe yo gukora ku nzoka nzima, uyu ni Umulisa uyobora inzu ndangamurage kuwa Kabiri
Mu kongera ubukangurambaga, Habineza yahisemo gufata iya mbere ajya gusura inzu ndangamurage
Nyuma y'izi ngendo, Habineza asaba Abanyarwanda nabo kuba abasirimu bagasura ibyiza by'igihugu cyabo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .