00:00:00 IGIHE NETWORK KN KINYARWANDA EN ENGLISH FR FRANCAIS

Colombia yemereye umurwayi urembye kwiyahura

Yanditswe na Zigiranyirazo Bajecteur
Kuya 13 May 2022 saa 02:18
Yasuwe :

Colombia yatanze uburenganzira bw’uko umurwayi urembye ashobora kwemererwa gushyira ubuzima bwe ku iherezo, iba igihugu cya mbere cyo muri Amerika y’Amajyepfo cyemeye ko umuntu urembye yakwiyahura.

Ubusanzwe, muri Colombia biremewe ko umurwayi urembye ashobora gusaba ko yahuhurwa, ibizwi nka Euthanasie. Gusa bikorwa ari uko umuryango we ubitangiye uburenganzira.

Ubu igishya cyabayeho, ni uko umurwayi urembye ashobora kwemererwa kwiyica [kurangiza ubuzima bwe], ariko bigakorwa umuganga ari aho areba.

Umurwayi cyangwa umurwaza ntibazajya bishyuzwa iyi serivisi cyangwa se ngo bafatirwe n’ibitaro bamere nk’abafunzwe mu gihe hari uwabo wafashijwe hakoreshejwe iyo serivisi yo kudatinza umuntu mu bubabare.

Mu 1997 ni bwo Colombia yemeye “euthanasie”. Abagera kuri 200 bamaze gufashwa gupfa batababaye by’umwihariko abafite indwara zidakira.

Muri Nyakanga umwaka ushize, ubu buryo bwemerewe no kuba bwakoreshwa ku bantu hadashingiwe ku kuba bafite uburwayi budakira.

Columbia yemereye umurwayi urembye kuba yakwiyahura

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .