Abantu 15 bakize Coronavirus, batatu ni bo bayanduye mu Rwanda

Yanditswe na Ishimwe Israel
Kuya 18 Ukwakira 2020 saa 09:49
Yasuwe :
0 0

Minisiteri y’Ubuzima yatangaje ko abantu 15 bakize COVID-19 mu Rwanda mu gihe batatu banduye iki cyorezo mu bipimo 1881 byafashwe uyu munsi.

Abantu batatu basanganywe ubwandu bwa COVID-19 iterwa n’agakoko ka Coronavirus kuri iki Cyumweru, tariki ya 18 Ukwakira 2020, barimo babiri b’i Kigali n’umwe wakuwe mu Karere ka Nyagatare.

Kuva umurwayi wa mbere wa COVID-19 agaragaye mu Rwanda ku wa 14 Werurwe 2020, hamaze kuboneka abantu 4974 banduye mu bipimo 534 409; abamaze gukira ni 4783 barimo 15 b’uyu munsi mu gihe abakirwaye ari 157. Abantu 34 nibo bamaze guhitanwa n’iki cyorezo.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .