00:00:00 IGIHE NETWORK KN KINYARWANDA EN ENGLISH FR FRANCAIS

Abantu 16 bahitanywe na COVID-19 mu Rwanda, 1104 barayikira

Yanditswe na IGIHE
Kuya 21 Nyakanga 2021 saa 11:57
Yasuwe :
0 0

Minisiteri y’Ubuzima yatangaje ko kuri uyu wa 21 Nyakanga 2021, abantu 16 bahitanywe na COVID-19, bituma umubare w’abo imaze kwica mu Rwanda bagera kuri 693.

Itangazo rya Minisante ryo kuri uyu wa Gatatu ryavuze ko abahitanywe na COVID-19 basanzwe mu bice bitandukanye by’igihugu.

Rikomeza riti “Twihanganishije imiryango y’abagore cumi na babiri b’imyaka 85, 84, 68, 60, 29 (Kigali), 80 (Nyaruguru), 76, 34, 24 (Muhanga), 75, 61 (Rubavu) & 66 (Kayonza) n’abagabo bane b’imyaka 93 (Rubavu), 80, 62 (Kigali) & 63 (Rwamagana) bitabye Imana.’’

Mu masaha 24 habonetse abanduye bashya 925 barimo 122 b’i Kigali, Gicumbi ni 58, Musanze ni 45, Ngororero ni 45, Rutsiro ni 44, Burera ni 43 mu gihe Uturere twa Kirehe na Nyabihu nta murwayi mushya wahabonetse.

Abarwayi bashya batumye umubare w’abamaze kugaragaraho ubwandu kuva ku wa 14 Werurwe 2020 ugera ku 60.066, mu bipimo 1.916.947 bimaze gufatwa ubariyemo na 10.158 byafashwe mu masaha 24 ashize.

Magingo aya abamaze gukira icyorezo ni 43.055 habariwemo na 1.104 bakize uyu munsi, naho abakirwaye ni 16.318 barimo 74 barembye. Abagera ku 413.427 ni bo bakingiwe.

Abaturarwanda barasabwa gukomeza kubahiriza amabwiriza atangwa n’inzego z’ubuzima mu gukumira ikwirakwira ry’icyorezo, arimo kwambara agapfukamunwa neza, guhana intera, gukaraba intoki kenshi cyangwa gukoresha umuti wica udukoko igihe cyose wakoze aho abandi bakoze. Barasabwa kwirinda kwikorakora mu maso, ku izuru no ku munwa, ndetse bakishyurana bakoresheje ikoranabuhanga aho bishoboka hose.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .