Abantu 162 bakize Coronavirus mu munsi umwe mu Rwanda

Yanditswe na Ishimwe Israel
Kuya 7 Ukwakira 2020 saa 08:56
Yasuwe :
0 0

Minisiteri y’Ubuzima yatangaje ko abantu 162 bakize COVID-19 mu Rwanda mu gihe abagera ku 10 aribo basanganywe iki cyorezo mu bipimo 3219 byafashwe uyu munsi.

Kuri uyu wa Gatatu, abantu 10 basanzwemo COVID-19 mu bipimo 3219 byafashwe, bituma umubare w’abamaze kwandura uba 4883 mu gihe 162 ari bo bayikize, abamaze gukira bose hamwe ni 3408.

Abarwayi bashya barimo abantu barindwi bo mu Mujyi wa Kigali, babiri bo mu Karere ka Gatsibo n’umwe wo muri Nyagatare.

Imibare ya Minisante igaragaza ko abarwayi ba COVID-19 bakomeje kugabanuka nyuma yuko 162 basezerewe ku munsi umwe. Kuri ubu abakirwaye ni 1446 mu gihe 29 bamaze kwitaba Imana.

Minisante itangaza ko ijanisha ku bapfa rihagaze kuri 0.6%, mu gihe iry’abandura ari 0.3%.

Umurwayi wa mbere wa Coronavirus yagaragaye mu Rwanda ku wa 14 Werurwe 2020, umubare munini w’abakize mu munsi umwe ni ku wa 14 Nzeri 2020, ubwo hakiraga 180.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .