Abantu 20 bakize Coronavirus, batandatu ni bo bayanduye mu Rwanda

Yanditswe na Ishimwe Israel
Kuya 6 Ukwakira 2020 saa 08:50
Yasuwe :
0 0

Minisiteri y’Ubuzima yatangaje ko abantu 20 bakize COVID-19 mu Rwanda mu gihe batandatu bayanduye mu bipimo 1306 byafashwe uyu munsi.

Abantu batandatu basanganywe ubwandu bwa COVID-19 iterwa n’agakoko ka Coronavirus kuri uyu wa Kabiri, tariki ya 6 Ukwakira 2020 barimo babiri b’i Kigali, batatu bakuwe i Nyagatare n’umwe wabonetse mu ka Rubavu.

Kuva umurwayi wa mbere wa COVID-19 agaragaye mu Rwanda ku wa 14 Werurwe 2020, hamaze kuboneka abantu 4873 banduye mu bipimo 507 964; abamaze gukira ni 3246 barimo batandatu b’uyu munsi mu gihe abakirwaye ari 1598. Abantu 29 nibo bamaze guhitanwa n’iki cyorezo.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .