Abantu 350 bakize Coronavirus, umwe iramuhitana

Yanditswe na Akayezu Jean de Dieu
Kuya 16 Gashyantare 2021 saa 10:00
Yasuwe :
0 0

Minisiteri y’Ubuzima yatangaje ko mu masaha 24 ashize, abantu 350 bari barwaye icyorezo cya COVID-19, bagikize mu gihe abo kimaze guhitana biyongereyeho umwe.

Uwishwe na Coronavirus ni umugabo w’imyaka 71, akaba yari uwo mu Mujyi wa Kigali.

Itangazo Minisante yashyize hanze kuri uyu wa Kabiri, rigaragaza ko uyu munsi hafashwe ibipimo 4,814 habonekamo abantu 110, basanganywe Coronavirus.

Muri aba bantu bashya banduye uyu munsi abenshi basanzwe mu Mujyi wa Kigali aho habonetse 31, i Nyamagabe 19, Karongi 18, mu gihe uturere twa Rutsiro, Nyamasheke na Nyabihu turi mu dukomeje kutarangwamo ubwandu bwa Coronavirus muri ibi bihe.

Kugeza uyu munsi abandura bari ku kigero cya 2.3%, mu gihe abakira bageze kuri 87.9% naho abahitanwa na Coronavirus ni 1.3%.

Kugeza kuri uyu wa Kabiri tariki 16 Gashyantare, mu Rwanda hamaze gufatwa ibipimo 955,383 harimo abantu 17,594 bamaze kwandura Coronavirus mu gihe abamaze gukira ari 15,475.

Imibare ya Minisiteri y’Ubuzima igaragaza ko abakirwaye ari 1,879 naho abamaze gupfa bose ni 240, naho abarembye ni 12.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .