Abantu babiri bishwe na Coronavirus, 103 barayandura mu Rwanda

Yanditswe na Akayezu Jean de Dieu
Kuya 6 Mutarama 2021 saa 09:55
Yasuwe :
0 0

Minisiteri y’Ubuzima mu Rwanda yatangaje ko mu masaha 24 ashize abantu babiri bahitanywe na Coronavirus bituma umubare w’abamaze kwicwa n’iki cyorezo ugera ku 112, mu gihe abacyanduye biyongereyeho 103.

Abantu bahitanywe n’iki cyorezo ni umugore w’imyaka 42 n’umugabo w’imyaka 55, bombi bo mu Mujyi wa Kigali.

Imibare ya Minisante yo kuri uyu wa Gatatu tariki 6 Ukuboza 2021, igaragaza kandi ko hafashwe ibipimo 4,829, ni mu gihe abantu 62 bakize Coronavirus.

Ubwandu bushya bwagaragaye mu masaha 24 ashize harimo abantu 82 basanzwe mu Mujyi wa Kigali, Rubavu: 6, Musanze: 3, Huye: 3, Muhanga: 2, Nyanza: 2, Ruhango: 1, Rusizi: 1, Burera: 1, Kayonza: 1 na Nyagatare: 1.

Umurwayi wa Mbere wa COVID-19 yagaragaye mu Rwanda ku wa 14 Werurwe 2020, kuva icyo gihe hamaze gufatwa ibipimo 750,081, aho abagaragaweho ubwandu bwa Coronavirus ari 9,058.

Kuva icyo gihe kandi abantu 2,006 nibo bamaze gukira Coronavirus mu gihe abo imaze guhitana ari 112.

Abanyarwanda bagirwa inama yo kubahiriza ingamba zashyizweho n’inzego z’ubuzima harimo kwambara neza agapfukamunwa n’amazuru, kwirinda ingendo zitari ngombwa aho bishoboka, guhana intera mu gihe habayeho guhura barenze umwe ndetse no gukaraba kenshi amazi meza n’isabune cyangwa kwifashisha umuti uzwi nka ‘Hand sanitizer’.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .