Abantu bane banduye COVID-19, umunani nibo bakize mu Rwanda

Yanditswe na Ishimwe Israel
Kuya 29 Nzeri 2020 saa 09:10
Yasuwe :
0 0

Minisiteri y’Ubuzima yatangaje ko abantu bane banduye COVID-19 mu bipimo 2761 byafashwe mu gihe umubare w’abakize wiyongereyeho umunani baba 3125.

Itangazo rya Minisanye ryo kuri uyu wa Kabiri ryerekana ko mu barwayi bashya, batatu babonetse mu Mujyi wa Kigali mu gihe umwe yasanzwe mu Karere ka Bugesera.

Ubwandu bushya bwabonetse mu Rwanda bwatumye abamaze kwandura Coronavirus mu Rwanda bagera ku 4836 mu bipimo 492 986 bimaze gufatwa kuva COVID-19 igaragaye mu Rwanda muri Werurwe 2020.

Mu banduye bose, abagera kuri 3125 basezerewe nyuma yo gusangwa nta bwandu bagifite, abakirwaye ni 1682 mu gihe 29 bitabye Imana.

Muri iyi minsi imibare y’ubwandu bushya igenda igabanuka ndetse n’ibipimo bifatwa nabyo byaragabanutse.

Kugeza ubu nta muti n’urukingo bya Coronavirus biraboneka, hakoreshwa uburyo bwo kuvura ibimenyetso by’iki cyorezo gusa, kugeza umubiri w’umuntu wubatse ubudahangarwa, virus igashira ityo mu maraso.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Abaturarwanda basabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi mu nsisiro cyangwa ahatuye imiryango myinshi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .