Abantu batatu bahitanywe na Covid-19 naho 189 barayikira

Yanditswe na IGIHE
Kuya 22 Gashyantare 2021 saa 10:18
Yasuwe :
0 0

Minisiteri y’Ubuzima yatangaje ko kuri uyu wa Mbere tariki 22 Gashyantare 2021, abantu batatu bahitanywe na Covid-19 mu Rwanda, abayanduye ni 146 mu gihe 189 bayikize.

Abantu batatu bahitanywe na Covid-19 harimo abagabo babiri umwe w’imyaka 85 n’undi w’imyaka 77 bo muri Kigali ndetse n’undi w’imyaka 43 wo mu karere ka Gicumbi.

Umubare w’abanduyee kuri uyu wa Mbere watumye abamaze kwandura bose mu Rwanda baba 18 199, barimo 16 992 bamaze gukira, 955 bakirwaye na 252 imaze guhitana. Abarembye ni 13 mu gihe ibipimo bimaze gufatwa ari 980 705 birimo 2665 byafashwe kuri uyu wa Mbere.

Ibimenyetso by’iyi ndwara birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Abanyarwanda bagirwa inama yo gukomeza kubahiriza amabwiriza yashyizweho, bibuka kwambara agapfukamunwa buri gihe bavuye mu ngo, bakaraba intoki kenshi, birinda amakoraniro n’ibindi bintu byose bishobora guhuriza hamwe abantu benshi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .