Abantu batatu bishwe na Coronavirus, abayanduye mu Rwanda ni 109

Yanditswe na Ishimwe Israel
Kuya 3 Mutarama 2021 saa 10:56
Yasuwe :
0 0

Minisiteri y’Ubuzima yatangaje ko kuri iki Cyumweru abaturage batatu bishwe na Coronavirus mu Rwanda bituma umubare w’abamaze guhitanwa n’iki cyorezo uba 101.

Itangazo rya Minisante ryerekanye ko abitabye Imana bahitanywe na COVID-19 iterwa n’agakoko ka Coronavirus ari abagabo batatu.

Rikomeza riti “Twihanganishije imiryango y’abagabo batatu bitabye Imana, barimo babiri b’imyaka 75 na 67 n’umwe w’imyaka 51 w’i Huye.’’

Kuri uyu wa 3 Mutarama 2021, abantu 109 basanzwemo ubwandu bwa COVID-19 mu bipimo 3318 byafashwe, mu gihe abayikize mu masaha 24 yashize ari 67.

Abarwayi bashya bakuwe muri “Kigali: 64, Musanze: 20, Rubavu: 12, Nyamasheke: 4, Gicumbi: 3, Kamonyi: 3, Huye: 2, Burera: 1.’’

Kuva ku wa 14 Werurwe 2020 ubwo umurwayi wa mbere yabonekaga mu Rwanda hamaze gufatwa ibipimo bya Coronavirus 738 785, byasanzwemo 8676 banduye. Muri bo 6752 barasezerewe mu gihe 1823 bakiri kwitabwaho.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Abaturarwanda basabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .