Abantu icyenda banduye Coronavirus mu Rwanda, abayikize ni umunani

Yanditswe na Ishimwe Israel
Kuya 27 Nzeri 2020 saa 10:08
Yasuwe :
0 0

Abantu icyenda basanzwemo COVID-19 mu bipimo 2207 byafashwe bituma umubare w’abamaze kwandura uba 4820 mu gihe umunani bayikize, umubare w’abakize ugera ku 3099.

Itangazo rya Minisiteri y’Ubuzima ryo kuri uyu wa 27 Nzeri ryerekana ko abarwayi bashya bagaragaye mu Mujyi wa Kigali ahabonetse batandatu, i Nyamagabe hasanzwe babiri mu gihe i Rubavu hagaragaye umuntu umwe.

Tariki 14 Werurwe 2020 nibwo Minisiteri y’Ubuzima yemeje ko Umuhinde wageze mu gihugu ku wa 8 Werurwe 2020 avuye i Mumbai, yasanganywe icyorezo cya COVID-19 giterwa n’agakoko gashya ka Coronavirus.

Kuva COVID-19 igaragaye mu Rwanda, hamaze kuboneka abantu 4820 bayanduye mu bipimo 488 942 bimaze gufatwa. Muri bo 3099 barasezerewe nyuma yo gupimwa bagasangwa nta bwandu bwayo bukiri mu maraso yabo mu gihe 1692 bakirwaye mu gihe 29 bamaze guhitanwa n’iki cyorezo.

Ijanisha ku bapfa rihagaze kuri 0.6%, mu gihe iry’abandura ari 0.4%.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .