00:00:00 IGIHE NETWORK KN KINYARWANDA EN ENGLISH FR FRANCAIS

Abantu icyenda bishwe na COVID-19, abayikize biyongereyeho 1015

Yanditswe na IGIHE
Kuya 15 Nyakanga 2021 saa 12:13
Yasuwe :
0 0

Minisiteri y’Ubuzima yatangaje ko abantu icyenda bahitanywe na COVID-19, bituma umubare w’abo imaze kwica mu Rwanda bagera kuri 607.

Itangazo rya Minisante ryo kuri uyu wa Gatatu, tariki ya 14 Nyakanga 2021, ryerekanye ko abahitanywe na COVID-19 bagaragaye mu bice bitandukanye by’igihugu.

Rikomeza riti “Twihanganishije imiryango y’abagore bane b’imyaka 87 (Kigali), 65, 33 (Karongi), 47 (Huye) n’abagabo batanu b’imyaka 83, 65 (Muhanga), 61 (Huye), 56 (Rubavu) & 33 (Kigali) bitabye Imana.’’

Mu masaha 24 habonetse abanduye bashya 934 barimo 345 b’i Kigali, Musanze ni 70, Bugesera ni 50, Kamonyi ni 49, Muhanga ni 36, Huye ni 35 mu gihe mu Turere twa Gatsibo na Nyamasheke nta murwayi mushya wahagaragaye.

Abarwayi bashya batumye umubare w’abamaze kugaragaraho ubwandu kuva ku wa 14 Werurwe 2020 ugera ku 50.742, mu bipimo 1.744.198 bimaze gufatwa ubariyemo na 5.324 byafashwe uyu munsi.

Magingo aya abamaze gukira icyorezo ni 35.582 habariwemo na 1015 bakize uyu munsi, naho abakirwaye ni 14.553 barimo 74 barembye. Abagera ku 401.160 ni bo bakingiwe.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .