Abarwayi 333 bakize Coronavirus mu Rwanda, nta wapfuye

Yanditswe na Ishimwe Israel
Kuya 15 Gashyantare 2021 saa 10:09
Yasuwe :
0 0

Minisiteri y’Ubuzima yatangaje ko abarwayi 333 bakize Coronavirus, abayanduye biyongereyeho 141 mu gihe nta wapfuye mu masaha 24 yashize.

Itangazo rya Minisante ryo kuri uyu wa Mbere, tariki 15 Gashyantare 2021, rigaragaza ko abantu 333 bakize bituma umubare w’abamaze gusezererwa mu bitaro uba 15 125.

Mu bipimo 2662 byafashwe ho habonetse abantu 141 banduye, bituma umubare w’abamaze kwandura icyorezo cya Coronavirus ugera ku 17 484.

Kuri ubu mu Rwanda hari abarwayi 2120 bakiri kwitabwaho mu ngo zabo ndetse no mu bitaro byabugenewe.

Inkuru nziza kandi ni igabanuka ry’abitaba Imana kuko kuri uyu munsi nta murwayi wahitanywe n’iki cyorezo bituma umubare w’abo kimaze gutwara ubuzima uguma kuri 239.

Kugeza uyu munsi abandura bari ku kigero cya 5.3%, mu gihe abakira bageze kuri 86.5% naho abahitanwa na Coronavirus ni 1.3%.

Minisiteri y’Ubuzima igaragaza ko mu bigo byagenewe kwakira abarwayi ba Coronavirus harimo abantu 10 barembye cyane.
Ibimenyetso by’iyi ndwara birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Abanyarwanda bagirwa inama yo gukomeza kubahiriza amabwiriza yashyizweho, bibuka kwambara agapfukamunwa buri gihe bavuye mu ngo, bakaraba intoki kenshi, birinda amakoraniro n’ibindi bintu byose bishobora guhuriza hamwe abantu benshi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .