Babiri bishwe na Coronavirus mu Rwanda, 206 bayikize

Yanditswe na Dufitumukiza Salathiel
Kuya 21 Gashyantare 2021 saa 09:00
Yasuwe :
0 0

Minisiteri y’Ubuzima yatangaje ko kuri uyu wa 21 Gashyantare 2021 abantu babiri b’i Kigali ari bo bahitanywe na COVID-19 mu gihe 206 bayikize.

Muri iryo tangazo ryashyizwe kuri Twitter, Minisante, yihanganishije imiryango yabuze ababo.

Yanditse iti “Twihanganishjije imiryango y’umugore w’imyaka 60 n’umugabo w’imyaka 62 bitabye Imana i Kigali.”

Itangazo rikomeza rivuga ko mu bipimo bishya 4128 byafashwe mu masaha 24 ashize hagaragayemo abanduye 65, bigatuma ubwandu bumaze kugaragara mu gihugu kuva muri Werurwe 2020 bugera ku 18 053.

Abarwayi bashya 65 bagaragaye uyu munsi barimo 21 b’i Kigali, 7 b’i Nyaruguru, 5 b’i Rwamagana, 4 b’i Nyanza, 4 b’i Gisagara, 3 b’i Rusizi na 3 b’i Rubavu.

Hari kandi 3 babonetse muri Ngororero, 2 b’i Ruhango, 2 b’i Huye, 2 b’i Gatsibo, 2 b’i Muhanga na 2 b’i Kamonyi. Mu karere ka Nyamagabe habonetse 1, Musanze 1, Burera 1, Gicumbi 1, na Karongi 1.

Muri rusange uturere 10 twonyine ni two tutagaragayemo ubwandu bushya uyu munsi.

Kuva umuntu wa mbere urwaye Coronavirus yagaragara mu Rwanda ku wa 14 Werurwe 2020, hamaze gufatwa ibipimo 978 050. Abamaze kwandura ni 18 053, aho muri bo 16 803 bakize, naho 249 bahasiga ubuzima.
Abarwayi 1,001 ni bo bakiri kwitabwaho n’inzego z’ubuzima, mu gihe icyenda barembye.

Minisante iributsa abaturarwanda gukomeza kubahiriza amabwiriza yo kwirinda ikwirakwiza ry’icyorezo arimo guhana intera, gukaraba intoki ahantu hose no kwambara neza agapfukamunwa.

Itangazo rya Minisante ryo ku wa 21 Werurwe 2021
Uturere 10 ni two tutagaragayemo ubwandu bushya

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .