Batatu b’i Kigali bishwe na Coronavirus, 93 ni bo bayanduye

Yanditswe na Ishimwe Israel
Kuya 9 Mutarama 2021 saa 10:36
Yasuwe :
0 0

Abantu batatu bo mu Mujyi wa Kigali bishwe na Coronavirus, bituma umubare w’abo imaze guhitana mu Rwanda uba 118, mu gihe abayanduye biyongereyeho 93 baba 9461.

Itangazo rya Minisiteri y’Ubuzima ryo kuri uyu wa 9 Mutarama 2021 ryerekana ko abitabye Imana ari abagabo batatu b’imyaka 74, 65 na 50 bo muri Kigali.

Minisante yatangaje ko kuri uyu wa Gatandatu habonetse abarwayi 93 basanganywe Coronavirus mu bipimo 4189 mu gihe uwakize ari umwe.

Umujyi wa Kigali ni wo ukomeje kubonekamo umubare munini w’abarwayi mu turere 11 twabonetsemo ubwandu.

Abarwayi bashya barimo abakuwe muri Kigali: 43, Huye: 13, Musanze: 12, Rulindo: 5, Rubavu: 4, Rwamagana: 4, Karongi: 4, Nyagatare: 4, Muhanga: 1, Nyaruguru: 1, Ruhango: 1 na Nyamasheke: 1.

Mu Rwanda hamaze gufatwa ibipimo bya Coronavirus 765 086, hasanzwemo abantu 9461 banduye. Muri bo 6956 basezerewe nyuma yo gupimwa bagasangwa nta bwandu bagifite mu gihe 2387 bakiri kwitabwaho.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwirinda imihuro itari ngombwa no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .