OMS yashyizeho amabwiriza azagenderwaho mu kugenzura imiti gakondo ivura COVID-19

Yanditswe na Bukuru JC
Kuya 20 Nzeri 2020 saa 06:30
Yasuwe :
0 0

Ishami ry’Umuryango w’Abibumbye, OMS, ryemeje amabwiriza azakurikizwa mu kugenzura imiti y’ibyatsi yakorewe muri Afurika harebwa niba ishobora kuvura icyorezo cya COVID-19.

OMS yavuze ko ubumenyi bwa siyansi aribwo bwonyine buzagenderwaho mu kugenzura niba iyi miti yizewe hanyuma ibone gutangira gukoreshwa. Uyu muryango watangaje ko umuti wose bizemezwa ko ufite ubushobozi, uzatangira gukorwa ku buryo wagera ku bantu benshi.

Madagascar yari iherutse gutangaza ko yavumbuye umuti w’ibyatsi ushobora kuvura Coronavirus gusa OMS yaburiye abantu kwirinda gukoresha umuti uwo ariwo wose utaragenzuwe.

OMS yavuze ko aya mabwiriza yashyizweho agamije guteza imbere abashakashatsi bo muri Afurika kugira ngo bakore igerageza ryemewe ry’imiti.

Ku Isi harabarurwa abantu barenga miliyoni 30 banduye Coronavirus mu gihe abamaze gupfa bo barenga ibihumbi 957. Muri Afurika habarurwa miliyoni 1,3 banduye mu gihe hari abandi ibihumbi 33 bamaze gupfa.

Madagascar iherutse gutangaza ko yavumbuye umuti w'ibyatsi uvura COVID-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .