Umuntu wa 30 yishwe na Coronavirus mu Rwanda

Yanditswe na Ishimwe Israel
Kuya 9 Ukwakira 2020 saa 10:11
Yasuwe :
0 0

Minisiteri y’Ubuzima yatangaje ko umuturage w’i Kigali yishwe na COVID-19 mu Rwanda, bituma umubare w’abamaze guhitanwa n’iki cyorezo ugera kuri 30.

Itangazo rya Minisante ryerekana ko uwitabye Imana kuri uyu wa Gatanu ari Umunyarwandakazi w’imyaka 41 wo mu Mujyi wa Kigali.

Mu bipimo bishya 963 byafashwe kandi hasanzwemo abantu batanu banduye COVID-19 iterwa n’agakoko gashya ka Coronavirus mu gihe 13 bayikize.

Abarwayi bashya bagaragaye muri Kigali ahasanzwe batatu, i Rubavu ni umwe na Musanze habonetse umwe.

Mu Rwanda hamaze gufatwa ibipimo bya Coronavirus 514 081, hasanzwemo abantu 4890 banduye. Muri bo 3555 basezerewe mu bitaro nyuma yo gupimwa bagasangwa nta bwandu bagifite mu gihe 1305 bakiri kwitabwaho.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwirinda imihuro itari ngombwa no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .